1. |
|
|||
gorantz eroriz
lur hartu duzu ustekabean,
gutako edonork
desiratzen duen aldarean.
garrantzitsua
sentitzearen emozioa,
garrantzitsua
izan nahiaren obsesioa.
gorantz eroriz
lur hartu duzu ustekabean,
gutako edonork
desiratzen duen aldarean.
irentsi duzu
dogmalarien patroi berria,
zure burua
jainkotzearen ereserkia.
aparra izan lehortu arte
aparra izan ito arte
aparra izan erori arte
kolpe bat baino ez.
gorantz eroriz
lur hartu duzu ustekabean,
gutako edonork
desiratzen duen aldarean.
irentsi duzu
dogmalarien patroi berria,
zure burua
jainkotzearen ereserkia.
aparra izan lehortu arte
aparra izan ito arte
aparra izan erori arte
kolpe bat baino ez.
lurreratze on
|
||||
2. |
Irentsi eta libratu
03:46
|
|
||
hau ez da Gerra Hotza,
baina CIAk bezala,
norbaitek kontrolatzen ditu gure zentzumenak.
zirku gosea euskal Bertin Osbornek eta,
Luis Marianoren biki biluziak asetzen dute.
Junkeraren etxea,
etxekalteak eta etxegabetzeak
herri kulturaren teilatupean.
nork erabakitzen du zer entzun nahi dugun?
nork erabakitzen du zer ikusi nahi dugun?
hau ez da Gerra Hotza,
baina CIAk bezala,
norbaitek kontrolatzen ditu gure zentzumenak.
kultura ez-zaleak joko arauen jabe,
rock and rolla gramotan saltzen den aro amaigabean.
pais vasco gazteak, 24 orduz dantzan,
bedeinkatzen du gure bazka eta arrakasta.
nork erabakitzen du zer entzun nahi dugun?
nork erabakitzen du zer ikusi nahi dugun?
ogi txarra, zirku okerragoa
azken garrasia, betiko morfina
mokor programatuak, doinu jakinen preso,
lataratutako abesti jatorren diktaduran.
auto laguntza e-book-ak erosketa saskian,
zoriontasuna hamar urratsetan lortzeko.
nork erabakitzen du zer entzun nahi dugun?
nork erabakitzen du zer ikusi nahi dugun?
|
||||
3. |
Lauburu Tea Party
03:36
|
|
||
lau buru, beraien zilborrei so,
tradizioa traizio;
aho txikiaz gezur handia,
lege zaharraren liftinga.
asaben gomuta ahaztuta,
azukrezko erromerian;
arima opakuen matxinada,
diru-zorroaren okada.
labeldun gangsterren paradisuan
ereiten da miseria,
labeldun gangsterren paradisuan
hazten da miseria.
gorbatadun iturginen zapiak,
hiru koloretan ehunduak;
monopolyaren haragitzea,
izanaren/izenaren salerosketa.
aberri likantropoa,
egunez ukiezin, gauez salgai;
petroliozko odol transfusioak,
egingo gaitu aske.
labeldun gangsterren paradisuan
ereiten da miseria,
labeldun gangsterren paradisuan
hazten da miseria.
independentziaren mentalistak,
otordu oparoen militanteak;
plastikozko burka beltzaren hooliganak,
berunik gabe tiro egiten duen “GureGauza”.
labeldun gangsterren paradisuan
ereiten da miseria,
labeldun gangsterren paradisuan
hazten da miseria.
|
||||
4. |
Sutan, Hollywood sutan
04:48
|
|
||
urrezko hesituraren barruan
“ongi etorri” dio kartelak,
azal berridun hezurdura andana
jaialdiaren protagonista.
pose garaikiderik ez da falta,
“atsegin dut”, “atsegin dut” baten bila.
kantu arriskutsurik ez da falta,
gasolinaz, gasolinaz margotua.
nahi dutena da,
sute kontrolatu bat
jatorra bezain hutsala da
bihurria baina jasanbera da
“ez molestatu” dio leloak
iritzi sutsuen topaketan,
azal berridun hezurdura andana
jaialdiaren protagonista.
esaldi borobilik ez da falta,
erretzen ez duten ferekak.
hitz arriskutsurik ez da falta,
gogortasun dosi fin bat.
nahi dutena da,
sute kontrolatu bat
jatorra bezain hutsala da
bihurria baina jasanbera da
keak ito gaitu, keak itsutu
Koka-Kolonizatutako Che Guevara bat gara,
Rock Radikal Vascoaren lehengusu prefabrikatuak,
haize-orratzen erakusleiho hutsak beherapene(t)an.
baloia berdean ihesi borbor zainetan,
God Save the Queen-ekin igandeko meza;
matxinada reallytiak kaxa merkean,
gudarako gonbita “aurpegi liburuan”.
lehen diskotekak, orain gimnasioak,
adrenalina distilatzeko gure tenpluak;
lehen working class, orain azucar glass,
zuriak bezain gozoak, otzan eta inozoak.
supermerkatuko puntuen truke identitate bat,
sasoirik sasoi aldatzen doan armadura;
gorituz lantzen den altzairua,
gurina mozten ez duen ezpata.
nahi dutena da,
sute kontrolatu bat
jatorra bezain hutsala da
bihurria baina jasanbera da
|
||||
5. |
Amesgaiztoen outleta
03:44
|
|
||
zurrumurru batek,
bidea egiten du metropolian barrena;
mehatxu berriaren dardarak,
urduritu ditu tinpanoak.
GPSrik gabeko norbanakoak,
fantasiaren diktaduran;
izurik ilunena pizten du,
botererik emankorrenak.
beldurraren kontrako pilulak salgai
arriskutik babesteko sendagaiak salgai
kanpoan alarma hotsa entzuten da,
hondamendiaren hatsa;
apokalipsia ate joka,
deabruaren eskutitza postontzian.
ezberdina etsai bihurtzen den,
aulki jokoan biraka gabiltza;
galtzailea nor izango den,
idatzita dagoenean.
beldurraren kontrako pilulak salgai
arriskutik babesteko sendagaiak salgai
beldurra maraka bat da,
intentzioz astindua;
beldurra maraka bat da,
erritmoa ezartzen duena.
|
||||
6. |
|
|||
zelofan eta neoizko hirian barna
lehen jaunartzeko forma zuriak dantzan
mugitzen garenaren ilusio antzua
katerik ezaren iritzi galdua.
ON botoiak pizten du gehiengo isila,
hiztegi berri baten jarraitzaile fina(k);
“gehiago eduki, gehiago izan” da marka,
burmuin-jalea den iruzur aparta.
jibarizatu ala hil
ez dago beste aukerarik
zelofan eta neoizko hirian barna
lehen jaunartzeko forma zuriak dantzan
mugitzen garenaren ilusio antzua
katerik ezaren iritzi galdua.
ON botoiak pizten du gehiengo isila,
egindako esaldien erosle duinak;
irudiaren kultuak sortzen du grina;
ilara luzeak ispiluaren bila.
jibarizatu ala hil
ez dago beste aukerarik
mutuak garela
sinetsita gaude,
usaintzea debekatu baitute
itsuak garela
sinetsita gaude,
arnasa hartzea debekatu baitute.
mutuak garela
sinetsita gaude,
logalea debekatu baitute.
itsuak garela
sinetsita gaude,
logalea debekatu baitute.
jibarizatu ala hil
ez dago beste aukerarik
|
||||
7. |
Ra
04:19
|
|
||
milioika lepo hautsi
zerurantz begira
neurrikoak ez diren
zapatak janzten saiatzen.
munduaren azalean oinez,
pausu neurtuan,
gurea ez den izate bati irmoki eutsiz.
milioika aurpegi hits
ispilura begira
ezagutzen ez den
irudi baten islatu ezin.
bizitzaren artaldean oinez,
pausu neurtuan,
eguzki printzek erretako
belarra hausnartzen.
sua gara,
erredura iraunkorrak.
eguzkiak argitzen du bidea
satorrak itsuak ez diren munduan
eguzkiak argitzen du bidea
sugarrek itsutzen gaituzten munduan
ikusezina, goritasunez mozorrotua
ausazkoa, mendia ala hondartza?
ikusezina, gardentasunez mozorrotua
ausazkoa, pilula urdina ala gorria?
eguzkiak argitzen du bidea
satorrak itsuak ez diren munduan
eguzkiak argitzen du bidea
sugarrek itsutzen gaituzten munduan
sua gara,
erredura iraunkorrak.
|
||||
8. |
Zoriontasunaren tirania
03:43
|
|
||
leherketa kontrolatuak
emozio behartuak
arratoi bat A8an ziztu bizian gidatuz
hezurretan premia kontrajarriak,
Troiako zaldi ukiezina.
linboan bizitza hobe baten zain
begi ninien eztanda,
hezurretan premia kontrajarriak,
Troiako zaldi ukiezina.
leherketa kontrolatuak
emozio behartuak
eztia da, pozoia da
eztia da, pozoia da
norena da zure desioa?
norena da zoriontasuna?
norena da zure desioa?
norena da zure askatasuna?
aizto jaia harmailetan,
buruaz beste egin duen desioa;
aizto jaia harmailetan,
buruaz beste egin duen zoriona.
norena da zure desioa?
norena da zoriontasuna?
norena da zure desioa?
norena da zure askatasuna?
|
||||
9. |
Zaindu maite duzun hori
03:10
|
|
||
Iritzi helduak, uste handikoak,
Gure herriaz.
Goiz eta arrats berriketan
Gure herriaz.
Nik ere nahi nituzke
Halako segurtasunak eduki.
Baina, gauzak zer diren,
kontuak ez zaizkit ateratzen ongi.
Hori suertea
Nonnahikoak diren hoiena!
Sasi guztien gainetikan
Dabiltza hegan.
Inork ez zidan esan
Euskaldun izatea zein nekeza den,
Hobe nuela hautazea
Munduko hiritar izatea.
Kantu leunak
Nahi nituzke jarri.
Eguzkia
Ainubian denari.
Zaindu maite duzun hori.
Hala esaten didate:
Zertan zabiltza maite kontuetan?
Elkarbizitza jokuan
Eta zu, berriz, bertso ttikietan.
Kantu leunak
Nahi nituzke jarri.
Eguzkia
Ainubian denari.
Zaindu maite duzun hori.
Zaindu gorroto duzun hori.
Zaindu...
|
||||
10. |
Gaizkiaren hutsalkeria
04:28
|
|
||
Alacant karezko hobi bat da
Saturrarango pantera bezain zuria.
Kristal hautsien gaua Gazan,
gomazko bonbardaketa Kirruli Plazan,
Videlaren Munduko Kopak
sendatu ditu Hiroshimako erredurak.
nor da makurra? nor da eroa?
nork irensten du amua?
Ez dago aurpegirik ez daukan borrerorik
Ez dago borreroak agintzen ez dituen aurpegirik
gurutze arrosak Juarez Hiriko lurretan,
Picassoren Gernika bezain kolorgeak.
Alcalá Hoteleko bala zorroak,
Muñecasen panpinen eskuetan,
Columbineko institutuan,
Pasaiako tiroketaren oihartzuna.
nor da makurra? nor da eroa?
nork sakatzen du katua?
Ez dago aurpegirik ez daukan borrerorik
Ez dago borreroak agintzen ez dituen aurpegirik
sinestezina odolaren oihua
ezabaezina minaren zaporea
menderaezina kontzientziaren taupada
iragazgaitza autoritatearen besarkada
nor da makurra? nor da eroa?
nork eskatzen du damua?
Ez dago aurpegirik ez daukan borrerorik
Ez dago borreroak agintzen ez dituen aurpegirik
|
If you like Sute Perfektua, you may also like:
Bandcamp Daily your guide to the world of Bandcamp